24 წლის ხაშურელი ცენტრალური თავდამსხმელი, ბექა გუგბერიძე, მიმდინარე სეზონში კარგ შედეგს აჩვენებს – მესამე ლიგაში მის ანგარიშზე უკვე 6 გოლია.
ბექამ მე-13 ტურში თავი კიდევ ერთხელ შეახსენა გულშემატკივარს – მან „თბილისი 2025“-ს წინააღმდეგ დუბლი შეასრულა და მატჩის საუკეთესო მოთამაშედ დასახელდა.
გუგბერიძე მხოლოდ 4 გოლით ჩამორჩება ბომბარდირთა რბოლის ლიდერს – გულდედავას და აშკარაა, რომ სეზონის მეორე ნახევარში ყველაფერი შეიძლება შეიცვალოს.
ამ ეტაპზე ბექას გუნდი – “ვიტ ჯორჯია” სატურნირო ცხრილში მეხუთე ადგილზეა და 25 ქულას ფლობს. გუნდის შეტევითი ხაზის ერთ-ერთ მთავარ იარაღად სწორედ გუგბერიძე რჩება.
დავიბადე 2005 წელს. სპორტულ ჟურნალისტიკაში 5 წელია, რაც ჩართული ვარ. ჩემი კარიერა 2021 წელს დაიწყო primesport.ge-ში, ხოლო 2022 წელს გავაგრძელე მუშაობა TV ივერიაში. იმავე წელს დავაფუძნე ჩემი პლატფორმა “ხაშურის სპორტი”, რომელიც დღესაც აქტიურად აშუქებს ხაშურის სპორტულ ცხოვრებას.
2024 წლიდან ვმუშაობ საფეხბურთო კლუბ “ორბში”, სადაც ვარ გუნდის სოციალური მედია მენეჯერი. ამავე წელს ხაშურის “ივერიიდან” შეთავაზება მივიღე და ერთი წლის განმავლობაში გუნდის მედია მიმართულებას ვხელმძღვანელობდი. პარალელურად, ჟურნალისტად ვმუშაობდი სარაგბო გუნდ სურამის “მგლებში”.
2025 წელს შევუერთდი საფეხბურთო გუნდ “ქარელს”, როგორც სოციალური მედიის მენეჯერი.
2025 წლის 8 ივნისს დავაარსე ვებგვერდი khashurisport.ge – საქართველოს პირველი რაიონული სპორტული ონლაინ-გამოცემა, რომლის მთავარი რედაქტორიც და ავტორიც თავად ვარ.
